Details van dit toneelstuk

As de âlde, autoritêre Jo Timmer nei in muoisum leven komt te ferstjerren, komt er werom as in geastferskining yn romte, neist syn wenkeamer fan eartiids. Dêr kin er yn alle rêst op syn bern delsjen. At er heart dat de bern, doe’t er noch leefde, de begraffenis al regele ha ûnder it mom fan: “it mei eins neat kostje“, is er slim teloarsteld. As er dan ek noch heart dat se doe ek de erfenis al ferdield ha, wurdt er poerrazend. Kalmearre troch syn eks-frou (ek in geastferskining) wurdt der weromsjoen op harren rûzich leven fan eartiids. Oan de oare kant litte har bern sjen hoe’t se harren jeugdjierren beleefd ha, yntiid helje se it hûs fan Jo leech. Stadichoan wurdt it dúdlik wêrom’t dit gesin sa ûntwoartele wie. Yn moaie dramatyske mominten en hilaryske sênes wurdt alles dúdlik. In komeedzje mei in laits en in trien en o sa werkenber.