Details van dit toneelstuk

Val hat it hielendal foar elkoar. Nei jierren hurd wurkjen sil se einlings krije wat se fertsjinnet: in priis foar de bêste reklamespot. Har man Mike fynt it allegear mar neat: dy reklame-weareld is ien grut sirkus. Syn weareld is dy fan izer en stiel. Hy is lasker, in echt berop. Harren soan Joery fielt de spanning en spilet foar spulbrekker. At de heit en mem fan Val foar de priisútrikking noch even delkomme foar in drankje, rint it út de klauwen. Mem drinkt mear as dat goed foar har is, en bern en dronken minsken sprekke faak de wierheid. Heit Charles hat wol sin oan de oppas, Stef, en dy sjocht him ek wol sitten. Mike tinkt dat syn frou wat mei har kollega Thomas hat en dan binne de rapen gear. Mem (Moeke) nimt in moedich beslút. Sille Val en Mike de krisis trochstean? En wat gebeurt der mei Thomas?